Cronfa Cenedlaethau’r Dyfodol Cymdeithas Adeiladu’r Principality

Cliciwch y botwm isod i wylio ein fideos cam-wrth-gam, cael mynediad at ganllawiau, a darllen ein Cwestiynau Cyffredin i’ch helpu i wneud cais drwy ein Hwb Grantiau.

Cofrestrwch i‘n Cylchlythyr Grantiau i glywed am gyfleoedd cyllido yn y dyfodol.

Mae Cronfa Cenedlaethau’r Dyfodol Cymdeithas Adeiladu’r Principality yn gronfa ledled Cymru a sefydlwyd mewn partneriaeth â Chymdeithas Adeiladu’r Principality gyda’r nod o gael effaith gadarnhaol ar gymdeithas a bywydau plant a phobl ifanc ledled Cymru.

Bydd y gronfa yn dyfarnu grantiau o hyd at £12,500 am flwyddyn i sefydliadau’r trydydd sector a chymunedol sy’n cefnogi plant a phobl ifanc hyd at 25 oed. Mae cyllid ar gael tuag at gostau craidd sy’n gwella cyfleoedd, lles a gwytnwch i blant a phobl ifanc ledled Cymru.

Mae’r gronfa hon yn benodol ar gyfer sefydliadau y mae eu gwaith yn canolbwyntio’n unig ar gefnogi plant a phobl ifanc. Ni fydd sefydliadau sy’n darparu gwaith cymunedol ehangach ar gyfer pob oedran yn gymwys oni bai bod y sefydliad yn canolbwyntio’n glir ac yn unig ar gefnogi cymunedau o gefndiroedd nodweddiadol gwarchodedig o dan Ddeddf Cydraddoldeb 2010, megis rhyw, anabledd, ethnigrwydd, rhywioldeb neu ffydd, yn berthnasol. Fodd bynnag, rhaid i geisiadau fod yn benodol ar gyfer gwaith sy’n cefnogi plant a phobl ifanc yn unig.

Dylai sefydliadau a gefnogir drwy’r gronfa hon gyfrannu tuag at un neu fwy o’r canlynol:

• Cynyddu mynediad at fwyd iach ac eitemau hanfodol eraill gan gynnwys dillad, deunydd ysgrifennu a thechnoleg
• Cefnogi iechyd meddwl a lles cadarnhaol
• Helpu plant a phobl ifanc i adeiladu gwytnwch ariannol a sgiliau bywyd fel cyllidebu a chynilo
• Cefnogi cyflogadwyedd, hyfforddiant a datblygu sgiliau
• Annog ymwybyddiaeth amgylcheddol, cynaliadwyedd a chadwraeth
• Cyflwyno gweithdai a gweithgareddau sy’n gysylltiedig â’r themâu uchod
• Cefnogi ymyriadau sy’n helpu disgyblion a myfyrwyr i ymgysylltu’n gadarnhaol â bywyd ysgol a chyfleoedd yn y dyfodol

Byddwn yn blaenoriaethu sefydliadau a phrosiectau sy’n cynyddu hygyrchedd a chyfleoedd i blant a phobl ifanc sydd heb eu gwasanaethu, sy’n agored i niwed neu’n profi anfantais, gan gynnwys y rhai o gefndiroedd nodweddiadol gwarchodedig a’r rhai sy’n byw yn y cymunedau mwyaf difreintiedig yng Nghymru.

I fod yn gymwys, rhaid i sefydliadau:
– Bod yn sefydliad trydydd sector neu gymunedol sy’n gweithredu yng Nghymru neu’r gororau (yn agos at gangen PBS). Rhaid iddynt ganolbwyntio’n unig ar gefnogi plant a phobl ifanc, neu fod yn sefydliad sy’n canolbwyntio ar nodweddion gwarchodedig sy’n gwneud cais am waith sy’n cefnogi plant a phobl ifanc yn unig – Bod ganddynt incwm blynyddol o dan £500,000 yn eich cyfrifon ariannol diwethaf.- Bod yn gwneud cais am gostau craidd sy’n gysylltiedig â phlant a phobl ifanc yn unig – Dangos canlyniadau ac effaith glir i blant a phobl ifanc – Dangos sut y bydd y cyllid yn darparu parhad ystyrlon o gymorth – Heb gael cyllid o’r rhaglen hon yn y naill neu’r llall o’r ddwy rownd ariannu ddiwethaf

Rydym yn disgwyl cefnogi tua 15 o sefydliadau drwy’r rhaglen hon. Gellir rhoi blaenoriaeth i sefydliadau sydd â hanes cryf o gyflawni ac effaith gymunedol.

Bydd grantiau o hyd at £12,500 y flwyddyn am flwyddyn yn cael eu dyfarnu i sefydliadau‘r trydydd sector y mae eu gwaith craidd yn canolbwyntio ar gefnogi pobl ifanc o dan 25 oed.

Ni fyddwn yn ystyried ceisiadau gan sefydliadau sydd ag incwm o dros £500k oni bai bod modd gwneud achos untro eithriadol. E.e. Mae grant Cyfalaf wedi mynd dros y lefel incwm am 1 flwyddyn yn unig.

Byddem yn annog ac yn croesawu sgwrs cyn gwneud cais.

Ardal ddaearyddol a gyllidir: Cymru a changhennau’r Principality ar y ffin rhwng Cymru a Lloegr. Os ydych chi’n sefydliad sydd wedi’i leoli yng Nghaer, Croesoswallt, Henffordd neu’r Amwythig, trefnwch alwad gyda Swyddog Grantiau, fel y gallwn benderfynu os yw eich lleoliad yn eich gwneud yn gymwys i dderbyn cyllid.

Mae’n rhaid i chi fod yn un o’r canlynol:

• Grwpiau gyda chyfansoddiad
• Elusennau Cofrestredig a Sefydliadau Corfforedig Elusennol
• Cwmni cyfyngedig gan warant
• Cwmnïau buddiannau cymunedol
• Mentrau cymdeithasol

Sylwch nad ydych yn gymwys i wneud cais os oes gennych grant aml-flwyddyn gweithredol o’r gronfa hon a ddyfarnwyd o fewn y 18 mis diwethaf.

Sylwer: Os ydych chi’n Gwmni Buddiannau Cymunedol (CIC) sydd wedi’i gofrestru yn ystod y 18 mis diwethaf, nid ydych yn gymwys i wneud cais am y cyllid hwn. Os byddwch yn gwneud cais o fewn eich 18 mis cyntaf o fasnachu, bydd eich cais yn cael ei wrthod. 

Bwriad Deddf Llesiant Cenedlaethau’r Dyfodol (Cymru) yw gwella llesiant cymdeithasol, economaidd, amgylcheddol a diwylliannol Cymru. Mae’n gofyn i sefydliadau yng Nghymru ystyried effeithiau tymor hir eu penderfyniadau, i weithio’n well gyda phobl a cymunedau a gyda’i gilydd a rhwystro problemau parhaus rhag codi, megis tlodi, anghydraddoldebau iechyd a newid hinsawdd.

Rydym yn awyddus i annog sefydliadau i feddwl nid yn unig am y gymuned ble maen nhw’n byw ac yn gweithio ynddi, ond hefyd sut mae’u gwaith yn gydnaws â, ac yn cyd-fynd â gwasanaethau a gweithgareddau grwpiau a sefydliadau eraill, rhai gwirfoddol a rhai statudol. Fe hoffen ni i chi ystyried sut y gallai’ch sefydliad weithio gydag eraill er mwyn ychwanegu gwerth a gweithio mewn partneriaeth yn hytrach na chystadlu. Cofiwch egluro yn eich cais eich cynlluniau ar gyfer y dyfodol yn ogystal ag ar gyfer y presennol. Fe hoffen ni weld sut mae grwpiau’n gweld effeithiau tymor hir eu penderfyniadau er mwyn gallu gweithio gyda, ar y cyd, ag eraill.