Cefnogi iechyd meddwl mewn cymunedau ledled Cymru
Ar gyfer Wythnos Ymwybyddiaeth Iechyd Meddwl eleni, rydym yn cydnabod gwaith hanfodol sefydliadau cymunedol ledled Cymru sy’n helpu pobl i dderbyn cefnogaeth a’u galluogi i deimlo’n well.
Mae heriau iechyd meddwl yn effeithio ar bobl o bob oedran a chefndir. Mae adroddiadau’n dangos bod 1 mewn pob 6 person ifanc yng Nghymru yn cael trafferth gyda’u hiechyd meddwl, tra bod llawer o oedolion hefyd yn wynebu unigrwydd, gorbryder, pwysau ariannol a rhwystrau wrth dderbyn cefnogaeth. Dyna pam mae hi mor bwysig i fuddsoddi mewn mentrau lles lleol dan arweiniad y gymuned.
Rydym yn falch bod llawer o’r grwpiau rydym yn eu hariannu yn gwneud gwahaniaeth gwirioneddol yn y maes hwn. Diolch i haelioni’r rhai sy’n rhoi i Cronfa i Gymru, rydym yn gallu cefnogi sefydliadau sy’n creu cyfleoedd ar gyfer cysylltiad, codi hyder a gwella lles ledled y wlad.
Sylw ar Groundwork Gogledd Cymru
Un enghraifft yw Groundwork Gogledd Cymru, sefydliad sy’n gweithio i wella lles cymdeithasol, economaidd, diwylliannol ac amgylcheddol ar draws chwe sir yng Ngogledd Cymru.
Mae eu rhaglenni eang yn cefnogi pobl o bob oedran a chefndir drwy gynnal:
- Cyrsiau hyfforddi achrededig ar gyfer sawl sector
- Rhaglenni cyflogadwyedd sy’n datblygu sgiliau
- Prosiectau ymgysylltu cymunedol ac amgylcheddol
- Gweithgareddau addysgol
- Cyngor ynni cartref i bobl sy’n gwynebu tlodi
Drwy gyfuno cefnogaeth ymarferol â chyfleoedd i gysylltu a datblygu, mae eu gwaith yn helpu i fynd i’r afael â rhai o’r achosion sylfaenol sy’n gallu effeithio ar iechyd meddwl.
Creu cysylltiad drwy natur a chreadigrwydd
Gyda chefnogaeth Cronfa Cymru, cynhaliodd Groundwork Gogledd Cymru brynhawn o greadigrwydd yn Nyfroedd Alun, ochr yn ochr â theithiau beicio awyr agored gan ddefnyddio beiciau cynhwysol.
Roedd y gweithgareddau hyn yn cynnig cyfle i bobl dreulio amser ym myd natur, cysylltu ag eraill mewn amgylchedd croesawgar ac adeiladu hyder drwy brofiadau newydd, gan leihau unigrwydd yn eu cymunedau.
Fel rydym yn gwybod, mae yna lawer o fanteision wrth dreulio amser ym myd natur, symud ein cyrff a derbyn cysylltiad cymdeithasol, a gall sesiynau fel hyn gael effaith gadarnhaol ar ein iechyd meddwl.
Pam fod cyllid cymunedol yn bwysig
Nid oes yn rhaid i gefnogaeth iechyd meddwl gychwyn mewn lleoliad clinigol. Yn aml, mae’n dechrau mewn mannau cymunedol, drwy grwpiau lleol, gweithgareddau croesawgar a sefydliadau dibynadwy sy’n deall anghenion eu hardal.
Dyna pam mae cefnogaeth rhoddwyr mor bwysig. Trwy Cronfa i Gymru, mae dyngarwch yn helpu sefydliadau lleol i ddarparu cefnogaeth ymarferol ac ataliol lle mae ei hangen fwyaf.
Cymryd rhan
Os hoffech gefnogi grwpiau sy’n gwella iechyd meddwl a lles ledled Cymru, neu os gall eich sefydliad elwa o gyllid, byddem wrth ein bodd yn clywed gennych.
I ddysgu mwy am Cronfa i Gymru, ewch i’n tudalen rhoi neu ein tudalen grantiau.
Stories
Sometimes the Smallest Grants Leave the Biggest Legacy
When people think about charitable giving, it's easy to assume that creating meaningful change requires significant amounts of money, and of course in some cases it does. But sometimes, the biggest differences begin with the smallest investments.
Investing in people, skills and heritage: supporting the next generation of Welsh craftspeople
Three individuals from Wales were awarded bursaries to develop specialist skills in blacksmithing, millinery and woodworking, which is helping to safeguard craft traditions while opening up new pathways for people facing significant barriers to training and employment.
