Rhodd sy’n para y tu hwnt i’ch oes
Mae gadael rhodd yn eich Ewyllys yn ffordd ystyrlon o helpu’r cymunedau a’r achosion sy’n bwysig i chi i barhau i elwa o’ch haelioni ymhell i’r dyfodol. P’un a ydych chi’n cynllunio’ch Ewyllys am y tro cyntaf neu’n diweddaru un sy’n bodoli eisoes, byddwn ni’n eich helpu i greu gwaddol sy’n adlewyrchu eich gwerthoedd a’ch dymuniadau.
Pam gadael rhodd drwy Sefydliad Cymunedol Cymru?
Mae rhodd yn eich Ewyllys drwy Sefydliad Cymunedol Cymru yn rhoi’r hyblygrwydd i chi gefnogi’r bobl, y lleoedd a’r achosion sydd bwysicaf i chi.
Yn hytrach na chefnogi un elusen, gall eich rhodd barhau i ymateb i anghenion newidiol cymunedau lleol ar lawr gwlad. Os oes gennych chi le, achos neu gymuned benodol mewn golwg, byddwn ni’n gweithio gyda chi i sicrhau bod eich dymuniadau’n cael eu hadlewyrchu.
Pam mae cael Ewyllys yn bwysig
Mae cael Ewyllys gyfredol yn un o’r ffyrdd pwysicaf o sicrhau bod eich dymuniadau’n cael eu cyflawni ac y gofelir am y bobl a’r achosion sy’n bwysig i chi.
Os ydych chi’n ystyried gadael rhodd i elusen, rydym yn argymell siarad â chyfreithiwr neu gynghorydd proffesiynol. Rydym yn gweithio’n rheolaidd ochr yn ochr â gweithwyr proffesiynol cyfreithiol ac ariannol i helpu pobl i greu gwaddol sy’n adlewyrchu eu gwerthoedd a’u dymuniadau, gan roi hyder i chi y bydd eich bwriadau’n cael eu cyflawni yn y modd yr oeddech wedi bwriadu.
Rhoi effeithlon o ran treth
Gall gadael rhodd i elusen yn eich Ewyllys hefyd fod yn ffordd o roi sy’n effeithlon o ran treth. Mae rhoddion i elusen wedi’u heithrio rhag Treth Etifeddiant, ac mewn rhai amgylchiadau, gall gadael o leiaf 10% o’ch ystâd net i elusen leihau cyfradd y Dreth Etifeddiant a delir ar weddill eich ystâd.
Gan fod pob ystâd yn wahanol, mae’n bwysig ceisio cyngor cyfreithiol neu ariannol annibynnol. Gallwn ddarparu’r wybodaeth sydd ei hangen ar eich cynghorydd ynglŷn â gadael rhodd i Sefydliad Cymunedol Cymru, gan helpu i wneud y broses mor syml â phosibl.
Eich Etifeddiaeth i Gymru
Eich Etifeddiaeth i Gymru
Y gwahaniaeth y gall rhodd ei wneud
Crëwyd Cronfa Brian Rees er cof am Brian Rees OBE, yr oedd ei deulu am anrhydeddu ei angerdd dros addysg drwy helpu person ifanc i gyflawni ei uchelgais o astudio meddygaeth. Dyfarnwyd yr ysgoloriaeth i Daniella Nakazzi, gan droi’r weledigaeth honno’n realiti a’i galluogi i ddilyn ei breuddwyd o fod yn feddyg.
“Heb y fwrsariaeth hon, byddai astudio meddygaeth wedi bod yn anodd iawn i mi, ond mae’r gronfa hon wedi fy sbarduno i barhau i ymgysylltu’n llawn â’m hastudiaethau. Rwy’n teimlo’n ffodus iawn i gael y cyfleoedd hyn, ac rwy’n ddiolchgar iawn i Sefydliad Cymunedol Cymru am ei rôl yn fy nghefnogi ar y daith hon. Mae’r gefnogaeth hon wedi gwneud gwahaniaeth sydd wedi newid fy mywyd, ac rwy’n teimlo’n ffodus iawn fy mod wedi elwa o’r fath haelioni ac anogaeth.”
– Daniella Nakazzi, Myfyrwraig
Darllenwch ragor am stori Daniella
Mae pob rhodd yn dechrau gyda sgwrs
P'un a ydych chi'n barod i adael rhodd yn eich Ewyllys neu'n archwilio'ch opsiynau yn unig, rydym yma i helpu. Gyda'n gilydd, byddwn yn creu rhodd sy'n adlewyrchu'r hyn sydd bwysicaf i chi a'r cymunedau rydych chi am eu cefnogi
Am gael gwybod rhagor?
Darllenwch ein cyfweliad gyda Catrin Wigley, Partner yn y Tîm Cynllunio Ystadau yn Hugh James, wrth iddi rannu mewnwelediadau arbenigol i Ewyllysiau, cynllunio ystadau a gadael rhodd elusennol.
Gadael rhodd barhaol