Mae’n ffordd o ddefnyddio’ch haelioni i gefnogi elusennau a sefydliadau sydd â’r wybodaeth leol, y mewnwelediad a’r uchelgais i wneud gwahaniaeth ystyrlon. Gall eich cefnogaeth helpu i ddod â phobl ynghyd, creu cyfleoedd newydd yn lleol, ac ymateb i’r heriau y mae cymunedau’n eu gweld a’u hwynebu bob dydd.

Dim ond rhan o’r hyn sy’n bosib yw’r hyn y mae Cronfa i Gymru wedi’i gyflawni ers ei lansio yn 2012. Drwy gydweithio â’r bobl a’r sefydliadau sy’n gofalu am eu cymunedau, gallwn dyfu’r Gronfa ac ymestyn ei chyrhaeddiad ymhellach fyth.

Haelioni sy’n adlewyrchu’r hyn sy’n bwysig i chi

Mae Cronfa i Gymru yn eich galluogi i ganolbwyntio’ch haelioni ar yr achosion, y lleoedd a’r cymunedau sy’n golygu fwyaf i chi. Efallai eich bod am greu cyfleoedd i bobl ifanc, gwella iechyd a llesiant, diogelu’r amgylchedd, cryfhau treftadaeth a diwylliant Cymru, neu gefnogi cymuned benodol.

Mae Cronfa i Gymru yn ymwneud ag adeiladu rhywbeth ar y cyd. Mae pob unigolyn a sefydliad sy’n cyfrannu yn dod yn rhan o’i stori, gan helpu tyfu cronfa sy’n gallu cyrraedd mwy o gymunedau a gwneud mwy o wahaniaeth.

Mae eich haelioni yn rhan o bob grant a ddyfernir, gan helpu sefydliadau lleol i gyrraedd miloedd o bobl a chryfhau’r cymunedau a’r lleoedd sy’n gartref iddyn nhw.

Ffordd hyblyg o roi

Does dim rhaid sefydlu eich cronfa eich hun i sicrhau bod eich haelioni’n bersonol. P’un a oes lle sy’n agos at eich calon, achos rydych chi’n angerddol drosto, neu nod y mae eich sefydliad am ei gyflawni, byddwn yn gweithio gyda chi i lunio ffordd o roi sy’n adlewyrchu’r hyn sy’n bwysig i chi. Wrth wneud hynny, byddwch yn elwa ar ein profiad helaeth o weithio gyda rhoddwyr ledled Cymru.

Buddsoddi ar gyfer y tymor hir

Gall eich cyfraniad ddod yn rhan o rywbeth sy’n para. Drwy ychwanegu eich rhodd at gronfa sefydledig sy’n cael ei buddsoddi’n gyfrifol gan Sefydliad Cymunedol Cymru, mae ganddi’r potensial i dyfu dros amser, gan greu ffynhonnell barhaus o gyllid i gefnogi sefydliadau ar lawr gwlad.

Wedi’n cysylltu â chymunedau

Rydyn ni’n gwybod mai’r bobl sydd agosaf at eu cymuned sy’n aml yn ei deall orau. Mae ein perthynas hir sefydlog â sefydliadau ar lawr gwlad, ynghyd â’n profiad o ddyfarnu grantiau, yn golygu ein bod yn deall beth sy’n digwydd yn lleol a lle gall cyllid wneud y gwahaniaeth mwyaf.

Deall eich effaith

Mae rhoi drwy Gronfa i Gymru yn llawer mwy na gwneud cyfraniad. Rydyn ni’n gofalu am y diwydrwydd dyladwy, y gwaith gweinyddol a’r broses grantiau, ac yn gallu gweithio gyda chi i rannu adroddiadau wedi’u teilwra, straeon am yr effaith, a chyfleoedd i ymweld â’r prosiectau rydych chi’n eu cefnogi. Mae hynny’n eich helpu i weld a deall y gwahaniaeth y mae eich haelioni yn ei wneud mewn cymunedau ledled Cymru.

Byddwch yn rhan o Gronfa i Gymru

Mae Cronfa i Gymru wedi’i llunio dros y blynyddoedd gan haelioni nifer o bobl a sefydliadau. Sefydlwyd y Gronfa drwy ymgyrch ariannu cyfatebol y Loteri Genedlaethol, gyda chyfraniadau cynnar gan Sefydliad Moondance, Sefydliad Waterloo a nifer o roddwyr unigol. Helpodd y cyfraniadau hyn i roi sylfaen gadarn i’r Gronfa ac i’w siapio hyn heddiw.

Mae’r haelioni hwnnw’n parhau heddiw. Rydyn ni’n hynod ddiolchgar i’n rhoddwyr unigol ac i fusnesau Cymru, gan gynnwys Tiny Rebel a Goodwash, yn ogystal â chefnogaeth barhaus y Postcode Lottery.

P’un ai hoffech gefnogi Cronfa i Gymru yn ei chyfanrwydd neu ganolbwyntio’ch haelioni ar ardal, cymuned neu achos penodol, bydd ein tîm yn hapus i drafod yr opsiynau gyda chi.

Cysylltwch â’n tîm haelioni

Please enable JavaScript in your browser to complete this form.

Enw *

First

Last

E-bost *

Neges

Cyflwyno