Mae gennym ni sgiliau llywodraethu arbenigol mewn buddsoddi ariannol elusennol, mewn rheoli risg a sicrhau bod arian ar gael ar gyfer grantiau. Mae ein strategaeth buddsoddi, sydd wedi’i chymeradwyo gan y bwrdd, yn cael ei hadolygu bob tair blynedd i wneud yn siŵr bod ein hamcanion buddsoddi’n cyd-fynd â’n nodau fel sefydliad elusennol. Rydyn ni’n dirprwyo darparu ein strategaeth i’n rheolwyr buddsoddi: Brewin Dolphin a CCLA. Bydd ein Pwyllgor Cyllid, Risg a Buddsoddi yn cadw golwg ar hynny bob chwarter.

Rydyn ni’n gallu cynnig dewis Cronfa Asiantaeth, lle byddwn ni’n gallu gweithio mewn partneriaeth gyda’ch elusen chi i gynnig ein sgiliau llywodraethu i’ch helpu chi i reoli eich arian buddsoddi. Byddwch chi’n elwa o’n harbenigedd a’n gwybodaeth gydag arian a buddsoddiadau a byddwch chi hefyd yn gallu gadael y gwaith o gysylltu gyda rheolwyr buddsoddi i’n staff ac i’n hymddiriedolwyr arbenigol. Fe fyddwn ni’n adrodd yn ôl yn rheolaidd i chi ac yn rhoi gwybod i chi am berfformiad y llogau a’r enillion.

Yn ogystal â chael yr heddwch meddwl o wybod bod eich elusen yn elwa o’n harbenigedd, sgiliau a rheoli risg, byddwch hefyd yn gwybod eich bod yn cyfrannu at gryfhau sefydliad elusennol sy’n cefnogi grwpiau cymunedol ym mhob rhan o Gymru.

Ond peidiwch â chymryd ein gair ni, dyma sydd gan un o’r deiliaid cronfa asiantaeth, Mudiad Meithrin, i’w ddweud.

Os ydych chi’n meddwl y byddai hyn yn ddewis defnyddiol i’ch elusen chi, cofiwch fod croeso i chi gysylltu â ni i drafod ymhellach.