Cronfa i Gymru
Abertawe, Blaenau Gwent, Bro Morgannwg, Caerffili, Casnewydd, Castell-nedd Port Talbot, Ceredigion, Conwy, Dinas Caerdydd, Gwynedd, I gyd, Merthyr Tudful, Pen-y-bont ar Ogwr, Powys, Rhondda Cynon Taf, Sir Ddinbych, Sir Fynwy, Sir Gar, Sir Penfro, Sir y Fflint, Torfaen, Wrecsam, a Ynys Môn
Mae’r rhaglen yma ar agor i geisiadau
Cliciwch y botwm isod i wylio ein fideos cam-wrth-gam, cael mynediad at ganllawiau, a darllen ein Cwestiynau Cyffredin i’ch helpu i wneud cais drwy ein Hwb Grantiau.
Mae Cronfa i Gymru yn gronfa gwaddol gymunedol genedlaethol, sy’n cael ei rheoli a’i hyrwyddo gan Sefydliad Cymunedol Cymru.
Mae’n rhaglen hybu dyngarwch a rhoi grantiau sy’n codi arian gan bobl a sefydliadau ledled Cymru, y DU a thramor sydd am ‘roi yn ôl’ i gefnogi a chryfhau cymunedau lleol: mae’r Gronfa i Gymru yn cysylltu pobl sy’n poeni ac achosion pwysig.
Mae’r gronfa ar hyn o bryd yn cael ei chefnogi drwy bartneriaeth gyda Postcode Lottery, ochr yn ochr â chyfraniad gan Tiny Rebel and Goodwash.
Mae Cronfa i Gymru yn agored i elusennau a mudiadau gwirfoddol bach, lleol, dan arweiniad y gymuned (e.e. cymdeithasau, mentrau cymdeithasol, Cwmnïau Buddiannau Cymunedol a chlybiau), gydag incwm blynyddol o lai na £100,000.
Canlyniadau’r Gronfa:
- Gwella cyfleoedd pobl mewn bywyd,
- Adeiladu cymunedau cryfach,
- Gwella amgylcheddau gwledig a threfol,
- Annog pobl a chymunedau iachach a mwy egnïol,
- Gwarchod treftadaeth a diwylliant.
Bydd Cronfa Cymru chyfarfodydd panel yn cael eu cynnal tua diwedd pob mis i adolygu ceisiadau a dosbarthu cyllid ar sail dreigl (yn amodol ar newid). Bydd ymgeiswyr yn cael eu hysbysu o’r canlyniad o fewn dau fis ar ôl ei gyflwyno.
Y grantiau sydd ar gael
Mae grantiau rhwng £500 a £2,500 y flwyddyn am hyd at dair blynedd, ar gael i sefydliadau y mae eu ceisiadau’n cyflawni orau yn erbyn y canlyniadau uchod.
Rydym yn gobeithio dyfarnu o leiaf chwe grant aml-flwyddyn; Os ydych chi’n gwneud cais am gyllid aml-flwyddyn ac yn aflwyddiannus, mae posibilrwydd o dderbyn blwyddyn o gyllid o hyd.
Pwy all wneud cais?
Mae Cronfa i Gymru yn agored i elusennau a mudiadau gwirfoddol bach, lleol, dan arweiniad y gymuned (e.e. cymdeithasau, mentrau cymdeithasol, Cwmnïau Buddiannau Cymunedol a chlybiau), gydag incwm blynyddol o lai na £100,000 yn y flwyddyn ariannol ddiwethaf. Rydym yn croesawu ceisiadau gan sefydliadau nad ydynt erioed wedi derbyn arian o’r Gronfa hon o’r blaen.
Mae’n rhaid i chi fod yn un o’r canlynol:
- Grwpiau gyda chyfansoddiad
- Elusennau Cofrestredig a Sefydliadau Corfforedig Elusennol
- Cwmni cyfyngedig gan warant
- Cwmnïau buddiannau cymunedol
- Mentrau cymdeithasol
Sylwer: Os ydych chi’n Gwmni Buddiannau Cymunedol (CIC) sydd wedi’i gofrestru yn ystod y 18 mis diwethaf, nid ydych yn gymwys i wneud cais am y cyllid hwn. Os byddwch yn gwneud cais o fewn eich 18 mis cyntaf o fasnachu, bydd eich cais yn cael ei wrthod.
Nid ydych yn gymwys i ailymgeisio am y cyllid hwn os ydych wedi cael eich gwrthod yn ystod y 6 mis diwethaf (o ddyddiad y gwrthod).
Sut i wneud cais?
Rhaid i ymgeiswyr gwblhau ffurflen gais ar-lein trwy ein Hwb Grantiau.
Peidiwch â gwneud cais os yw’ch incwm dros £100,000. Nid yw 20% o’r ceisiadau a dderbyniwyd yn gymwys oherwydd y lefel incwm. Os yw’ch incwm dros £100,000, bydd eich cais yn cael ei wrthod.
Sylwer:
- Ni ddyfernir grantiau’n ôl-weithredol, h.y. am gostau a dynnir cyn derbyn ein llythyr cynnig grant, a dychwelwyd y telerau a’r amodau llofnodedig.
- Nid yw grantiau ar gael i gefnogi codi arian ar gyfer grwpiau ac elusennau eraill.
- Os dyfernir grant aml-flwyddyn, rhaid gwario’r flwyddyn gyntaf o grant o fewn blwyddyn i dderbyn ein llythyr cynnig.
- Mae angen i fuddiolwyr grŵp fyw yng Nghymru.
- Rhaid i’r cais ddangos angen clir am gymorth ariannol, caledi ariannol neu anghenion cymorth ychwanegol.
Gwnewch yn siŵr eich bod yn darllen y safon ddisgwyliedig cyn gwneud cais
Dyma’r safonau gofynnol mae’n rhaid i sefydliad eu cyfarfod er mwyn bod yn gymwys i gael arian gan Sefydliad Cymunedol Cymru.
Cliciwch yma
