O Dde Cymru i Nashville
Cronfa Ddyngarol Cymru yn Llundain
“Diolch yn fawr iawn am y cyfle a roesoch i mi y llynedd. Byddaf bob amser yn ddiolchgar ac yn gobeithio rhoi rhywbeth yn ôl yn y dyfodol agos.”
Diolch i grant o £1,200 gan Gronfa Ddyngarol Cymru yn Llundain, sicrhaodd y gantores-gyfansoddwraig o Dde Cymru, Caitlin Mae, fisa i deithio yn yr Unol Daleithiau, a oedd yn ddechrau pennod newydd yn ei gyrfa gerddoriaeth. Bellach wedi’i lleoli yn Nashville, mae hi’n perfformio mewn gigs, yn chwarae mewn gwyliau ac yn paratoi ar gyfer cytundeb cyhoeddi.
Ar ôl perfformiad nodedig yn nathliadau Dydd Gŵyl Dewi yn Llundain, cynigiwyd cytundeb rheoli i Caitlin yn Nashville. Ond i’w ddilyn, roedd angen cefnogaeth arni i dalu costau fisa. Gyda chymorth y gronfa, symudodd Caitlin i Nashville, llofnododd gyda Dream Music Group a dechrau adeiladu ei phroffil, gan berfformio yng Ngŵyl Nashville Montisi yn yr Eidal a pherfformio mewn sioeau ledled yr Unol Daleithiau, o Illinois i Tennessee. Mae ei cherddoriaeth bellach yn cael ei darlledu’n rheolaidd ar radio Nashville.
Mae Caitlin yn parhau i deithio ac mae mewn trafodaethau gyda chyhoeddwyr i rannu ei gwaith gwreiddiol yn ehangach. Gwnaeth y gefnogaeth a gafodd ar adeg hollbwysig yr holl wahaniaeth, ac mae hi’n awyddus i wneud y mwyaf o’r cyfle hwnnw a gafodd.
