Rydym yn ysbrydoli pobl i roi, helpu cymunedau yng Nghymru i ffynnu a newid bywydau gyda’n gilydd.

Ers dros ugain mlynedd, mae Sefydliad Cymunedol Cymru wedi bod yn cefnogi elusennau a grwpiau cymunedol gyda chyllid i gryfhau cymunedau ar draws Cymru.

Ers 1999, rydym wedi dyfarnu dros £40m mewn grantiau i grwpiau cymunedol ac elusennau ar lawr gwlad ledled Cymru.

Rydym yn gweithio gyda’n cefnogwyr hael i gyrraedd y bobl fwyaf anghenus a helpu i feithrin newid cadarnhaol mewn cymunedau yng Nghymru.

Mae dros 30,000 o grwpiau cymunedol ac elusennau yng Nghymru sy’n gweithio i wella a datblygu eu cymunedau gan ddefnyddio eu menter eu hunain i ddiwallu anghenion lleol. Mae’r grwpiau a’r elusennau hyn yn deall yr heriau y mae’r bobl yn eu cymunedau yn eu hwynebu ac yn gwybod pa un yw’r ffordd orau o fynd i’r afael â’r rhwystrau hyn.

Gwneir y gwaith hollbwysig hwn fel arfer o fewn cyllideb gyfyngedig neu yn wirfoddol, felly rydym yn canolbwyntio ar ddod o hyd i’r prosiectau a’r sefydliadau gwych hyn, deall beth y maent yn ceisio ei gyflawni a’u cefnogi i wneud hynny.