Sefydliad Teulu Ashley
Abertawe, Blaenau Gwent, Bro Morgannwg, Caerffili, Casnewydd, Castell-nedd Port Talbot, Ceredigion, Conwy, Dinas Caerdydd, Gwynedd, I gyd, Merthyr Tudful, Pen-y-bont ar Ogwr, Powys, Rhondda Cynon Taf, Sir Ddinbych, Sir Fynwy, Sir Gar, Sir Penfro, Sir y Fflint, Torfaen, Wrecsam, a Ynys Môn
Mae’r rhaglen yma ar agor i geisiadau
Mae Sefydliad Teulu Ashley (Sefydliad Laura Ashley gynt) yn elusen gofrestredig yn y DU a sefydlwyd gan Syr Bernad Ashley a’i wraig Laura Ashley yn dilyn llwyddiant brand Laura Ashley. Mae’r Sefydliad Cymunedol yng Nghymru yn falch o weithio gyda Sefydliad Teulu Ashley i ddyrannu ei gyllid yng Nghymru.
Ethos Sefydliad Teulu Ashley yw atgyfnerthu cymunedau gwledig yn bennaf, o ran yr agweddau cymdeithas ac amgylcheddol yn ogystal â rhoi yn ôl i’r cymunedau a oedd wedi helpu’r teulu i ddatblygu’r cwmni yn llwyddiant rhyngwladol.
Mae Sefydliad Teulu Ashley yn arbennig o awyddus i ariannu gwaith yn ardaloedd gwledig Canolbarth Cymru, sef ble y cafodd cwmni ‘Laura Ashley’ effaith sylweddol ar yr economi leol a llesiant cymdeithasol ei phobl, gyda mwy o gyfleoedd cyflogaeth ac ysbryd tîm gwerthfawr y gweithlu.
Yn ogystal â hyn, mae Sefydliad Teulu Ashley yn awyddus i gael ceisiadau gan brosiectau celfyddydau a chymunedol bach yng Nghymru ac yn croesawu cynigion gan amgueddfeydd/sefydliadau cymunedol.
Y grantiau sydd ar gael
Gall sefydliadau wneud cais am grantiau rhwng £500 a £10,000
Pwy all wneud cais?
Elusennau, sefydliadau a grwpiau cymunedol anghorfforedig sydd â chyfansoddiad neu gylch gorchwyl a diben elusennol.
Dyrennir cyllid i brosiectau ar sail budd a gwerth a chaiff pob prosiect ei ystyried yn unigol.
Sut i wneud cais?
Dylid gwneud ceisiadau yn uniongyrchol drwy wefan Sefydliad Teulu Ashley.
Noder nad yw Sefydliad Teulu Ashley yn ariannu’r canlynol:
- Unigolion
- Mentrau busnes
- Prosiectau tramor
- Prosiectau ym maes crefydd
- Cyllid uniongyrchol i ysgolion
- Cyllid ôl-weithredol ar gyfer gweithgareddau sydd eisoes wedi digwydd.
- Prosiectau sy’n canolbwyntio ar chwaraeon
- Achosion a gefnogir yn dda (fel ymchwil canser a lles anifeiliaid)
- Cyllid uniongyrchol i hosbisau
- Prosiectau cyfalaf
- Gweithio gyda chymunedau y tu allan i Gymru
- Triniaethau meddygol
- Ad-dalu dyledion
