Cronfa Ddyngarol Cymru yn Llundain

Cofrestrwch i‘n Cylchlythyr Grantiau i glywed am gyfleoedd cyllido yn y dyfodol.

Crëwyd Cronfa Ddyngarol Cymru yn Llundain o fewn ysbryd diben craidd sefydliad Cymru yn Llundain, sef pontio Cymru a Llundain a thu hwnt.

Mae’n helpu myfyrwyr a phobl flaengar sydd megis dechrau yn eu gyrfaoedd i gyflawni eu dyheadau. Er enghraifft, bydd yn cwmpasu’r costau sy’n gysylltiedig â bod yn fyfyriwr, ysgoloriaethau, bwrsariaethau busnes, profiad gwaith/datblygu gyrfa.

Gall unigolion wneud cais am grantiau rhwng £500 a £5,000 (Mae’n debygol mai dim ond un grant o £5,000 a roddir)

• Gall pobl ifanc a gafodd eu geni/eu haddysgu yng Nghymru y bydd ysgoloriaeth/bwrsariaeth yn eu galluogi i ddatblygu eu haddysg, dysgu, busnes a sgiliau gyrfa, ac yn ehangu eu gorwelion yn Llundain neu y tu allan i Gymru.
• Rhaid i’r cais ddangos angen clir am gymorth ariannol

Disgwylir i ymgeiswyr llwyddiannus addo i ‘roi yn ôl’, nawr neu yn y dyfodol, i Gronfa Ddyngarol Cymru yn Llundain neu i gymdeithas yn fwy cyffredinol. Er enghraifft drwy roi cymorth pro bono, rhoddion elusennol, cynnal gweithgareddau codi arian, gwirfoddoli ac ati, fel dulliau rhoi dyngarol.

Gellir gwahodd ymgeiswyr llwyddiannus i fynychu a rhoi cyflwyniadau yn nigwyddiadau Sefydliad Cymunedol Cymru neu ddigwyddiadau Cymru yn Llundain yn ystod y flwyddyn yn dilyn cael y grant, er mwyn rhoi’r wybodaeth ddiweddaraf i’r noddwyr am y ffordd y mae’r grant wedi cyfrannu tuag at eu datblygiad. Bydd Sefydliad Cymunedol Cymru hefyd yn disgwyl adroddiad monitro, a byddai wir yn gwerthfawrogi cael y wybodaeth ddiweddaraf gan fuddiolwyr fel y gallwn fesur effaith tymor hir ein grantiau.