Cronfa Gymorth Penarlâg a’r Cylch: Sefydliadau
I gyd, and Sir y Fflint
Applications for this grant are open
Mae Cronfa Cymorth mewn Angen Penarlâg a'r Cylch (Sefydliadau) yn cynorthwyo grwpiau a sefydliadau sy'n cefnogi pobl agored i niwed.
Nod Cronfa Cymorth mewn Angen Penarlâg a‘r Cylch (Sefydliadau) yw helpu grwpiau sy‘n cefnogi pobl agored i niwed sy‘n byw ym mhlwyf hynafol Penarlâg.
Defnyddiwyd cyllid o Gronfa Cymorth mewn Angen Penarlâg a‘r Cylch (Sefydliadau) i:
- brynu offer a darparu gweithgareddau ar gyfer grwpiau/elusennau cymunedol ym Mhenarlâg sy‘n gweithio gyda phobl agored i niwed mewn angen.
- brynu eitemau sy‘n hanfodol i leddfu dioddefaint tlodi bwyd a thanwydd (e.e. parseli bwyd, blancedi, poteli dŵr poeth, dillad cynnes, atgyweiriadau boeleri).
- darparu clybiau cinio, cydweithfeydd bwyd, gweithgareddau sy‘n hyrwyddo cydlyniant cymunedol, lleihau ynysu a lliniaru tlodi.
- talu costau craidd ar gyfer sefydliadau sy‘n gweithio gyda phobl agored i niwed yn ardaloedd penodol.
Grantiau ar gael
Gall sefydliadau wneud cais am grantiau hyd at £2,000 y flwyddyn. Gall sefydliadau sy‘n gwneud cais am brosiect cymunedol wneud cais am gyllid sawl blwyddyn.
Pwy all wneud cais?
- Rhaid i grwpiau a sefydliadau sy‘n gweithio gyda phobl sy‘n byw ym mhlwyf hynafol Penarlâg h.y. y prif fuddiolwyr fod o‘r plwyf.
Mae plwyf hynafol Penarlâg yn cynnwys y wardiau modern canlynol: Aston, Gogledd Ddwyrain Brychdyn, Bwcle, Pentrobin, Ewlo, Penarlâg, Mancot, Saltney, Cyffordd yr Wyddgrug, Queensferry, Saltney Stonebridge, Sealand, Dwyrain Shotton, Shotton Higher, Gorllewin Shotton.
Rhoddir blaenoriaeth i ymgeiswyr sy‘n gallu dangos yn union sut y byddant yn bodloni amcanion a blaenoriaethau‘r Gronfa, ac nad ydynt wedi derbyn cymorth gan y Gronfa hon o‘r blaen.
How to apply?
Mae ffurflen gais y gellir ei chyflwyno ar–lein. Sylwer, os ydych chi‘n sefydliad sy’n gwneud cais i gefnogi unigolyn mewn angen, bydd angen i chi lywio i‘r dudalen we hon yn lle hynny.
Gwnewch yn siŵr bod prosiectau wedi‘u lleoli ym mhlwyf hynafol Penarlâg sy‘n cynnwys y wardiau modern canlynol: Aston, Gogledd Ddwyrain Brychdyn, Bwcle Pentrobin, Ewlo, Penarlâg, Mancot, Cyffordd yr Wyddgrug Saltney, Queensferry, Saltney Stonebridge, Sealand, Dwyrain Shotton, Shotton Higher, Gorllewin Shotton.
Sylwer:
- Ni fydd grantiau‘n cael eu dyfarnu‘n ôl–weithredol h.y. ar gyfer costau a dynnwyd cyn derbyn ein llythyr cynnig grant, ac mae‘r telerau ac amodau wedi‘u llofnodi wedi‘u dychwelyd.
- Nid yw grantiau ar gael i gefnogi codi arian ar gyfer grwpiau ac elusennau eraill.
- Rhaid gwario grantiau yn llawn o fewn blwyddyn ar ôl derbyn ein llythyr cynnig.
- Rhaid i’r cais ddangos angen clir am gymorth ariannol, caledi ariannol neu anghenion cymorth ychwanegol.
Ni all sefydliad gael mwy nag un grant o‘r un Gronfa. Os oes gennych grant ar hyn o bryd ac eisiau gwneud cais eto am yr un gronfa, mae angen i ddyddiad dechrau eich cais newydd fod ar ôl dyddiad gorffen eich grant cyfredol.
Meini Prawf Cronfa Gymorth Penarlâg a’r Cylch
Find out moreMake sure you're eligible
Please read the following text to ensure your eligibility before beginning your application: