Cronfa Deddfau Eglwysi Cymru Sir y Fflint
a I gyd
Mae’r rhaglen yma ar gau i geisiadau
Mae gan y gronfa hon 2 ddyddiad cau y flwyddyn sef 31 Ionawr a 31 Gorffennaf.
Mae Cronfa Deddfau Eglwysi Cymru yn Gronfa Ymddiriedolaeth Elusennol a gaiff ei gweinyddu gan Sefydliad Cymunedol Cymru.
Mae’r Gronfa Ymddiriedolaeth wedi’i llywodraethu gan Ddeddf yr Eglwys yng Nghymru 1914. Prif amcan y Gronfa yw rhoi cymorth i grwpiau at ddibenion cymdeithasol, hamdden a dibenion elusennol eraill.
Mae Cronfa Deddfau Eglwysi Cymru Sir y Fflint yn cefnogi’r canlynol:
- Y gwaith o adfer Eglwysi, Capeli a neuaddau cymunedol/neuaddau pentref mewn sir.
- Prosiectau sy’n annog y celfyddydau.
- Gweithgareddau cymdeithasol a hamdden.
- Diogelu adeiladau hanesyddol.
- Sefydliadau sy’n gweithio i fynd i’r afael ag anfantais sy’n gysylltiedig â phobl sydd ar incwm isel neu’r rhieni sy’n sâl neu’n anabl.
- Unigolion sy’n cystadlu ar lefel ranbarthol ym maes chwaraeon ac addysg.
Y grantiau sydd ar gael
- Gall sefydliadau elusennol wneud cais am grantiau rhwng £100 a £300.
- Gall unigolion wneud cais am grant o hyd at £200 er mwyn helpu pobl ifanc sy’n cynrychioli’r rhanbarth i lwyddo ym maes Chwaraeon ac Addysg.
- Gall eglwysi wneud cais o hyd at £500 ar gyfer cynnal a chadw, trwsio ac adfer adeiladwaith yr adeilad yn unig.
Pwy all wneud cais?
- Sefydliadau nid er elw (er enghraifft elusen cofrestredig, sefydliad corfforedig elusennol, clwb neu gymdeithas anghorfforedig a chwmni buddiannau cymunedol)
- Sefydliadau sydd wedi’u lleoli yn Sir y Fflint a/neu brosiectau neu weithgareddau sydd wedi’u cynllunio’n benodol i wasanaethu trigolion Sir y Fflint.
- Eglwysi a chapeli.
Sut i wneud cais?
Gwnewch yn siŵr eich bod yn darllen ac yn deall meini prawf y gronfa cyn cwblhau eich cais.
Cysylltwch â ni
Gallwch gysylltu â ni ar 02920 379 580 neu anfonwch e-bost i grants@cfiw.org.uk i gael rhagor o wybodaeth.