Cronfa Cenedlaethau’r Dyfodol Cymdeithas Adeiladu’r Principality

Cronfa Cymru gyfan yw Cronfa Cenedlaethau’r Dyfodol Cymdeithas Adeiladu’ Principality a sefydlwyd mewn partneriaeth â Chymdeithas Adeiladu’r Principality gyda’r nod o ddylanwadu’n bositif ar gymdeithas ac ar fywydau pobl ifanc yng Nghymru.

Bydd y gronfa’n cefnogi’r trydydd sector a sefydliadau cymunedol ledled Cymru i helpu / annog

• Mwy o bobl ifanc yn cael mynediad at fwyd iach ac eitemau hanfodol eraill gan gynnwys dillad, deunydd ysgrifennu a thechnoleg.
• Mwy o bobl ifanc i adeiladu cadernid ariannol ar gyfer ansicrwydd bywyd
• Mwy o bobl ifanc yn paratoi ar gyfer y dyfodol a byd gwaith (gan gynnwys meithrin sgiliau)
• Mwy o bobl ifanc yn byw’n gynaliadwy ac yn cymryd rhan mewn gwarchod ein hamgylchedd naturiol
• Mwy o bobl ifanc yn cael y cymorth iechyd meddwl y mae arnynt ei angen

Bydd y prosiectau rydym yn eu cefnogi’n bodloni un o’r themâu hyn –

• Datblygu hyfforddiant a / neu sgiliau ar gyfer cyflogaeth
• Cefnogi iechyd meddwl a llesiant
• Dysgu sgiliau ariannol (e.e. cynilo a chyllidebu)
• Ymwybyddiaeth amgylcheddol a / neu gymdeithasol a chadwraethol
• Cynnal gweithdai ar draws unrhyw un o’r themâu uchod e.e. coginio’n iach ar gyllideb, siopa wythnosol craff,
• Cefnogi ymyriadau sy’n helpu disgyblion/myfyrwyr â bywyd ysgol a rhoi’r cyfleoedd gorau iddyn nhw am lwyddo

Byddwn yn blaenoriaethu sefydliadau a phrosiectau sy’n ei gwneud yn haws i’r rhai sy’n cael eu tan-wasanaethu neu’n fregus fanteisio ar y gronfa. Mae hyn yn cynnwys prosiectau sy’n cefnogi unigolion gyda chefndir o nodweddion gwarchodedig, deddf cydraddoldeb 2010 ac unigolion o rai o gymunedau mwyaf difreintiedig Cymru.

• Dyfernir grantiau o hyd at £20,000 y flwyddyn am ddwy flynedd i sefydliadau trydydd sector y mae eu gwaith yn canolbwyntio ar gefnogi pobl ifanc o dan 25 oed.

Ni fyddwn yn ystyried ceisiadau gan sefydliadau sydd ag incwm o dros £600,000 yn y flwyddyn ariannol ddiwethaf. Rydym yn croesawu ceisiadau gan sefydliadau nad ydynt erioed wedi derbyn arian o’r Gronfa hon o’r blaen.

Ardal ddaearyddol a gyllidir: Cymru a changhennau’r Principality ar y ffin rhwng Cymru a Lloegr. Os ydych chi’n sefydliad sydd wedi’i leoli yng Nghaer, Croesoswallt, Henffordd neu’r Amwythig, archebwch alwad gyda Swyddog Grantiau, fel y gallwn benderfynu a yw eich lleoliad yn gymwys i gael cyllid.

Mae’n rhaid i chi fod yn un o’r canlynol:

• Grwpiau gyda chyfansoddiad
• Elusennau Cofrestredig a Sefydliadau Corfforedig Elusennol
• Cwmni cyfyngedig gan warant
• Cwmnïau buddiannau cymunedol
• Mentrau cymdeithasol

Sylwch nad ydych yn gymwys i wneud cais os oes gennych grant aml-flwyddyn gweithredol o’r gronfa hon a ddyfarnwyd o fewn y 12 mis diwethaf.

Bwriad Deddf Llesiant Cenedlaethau’r Dyfodol (Cymru) 2015 yw gwella llesiant cymdeithasol, economaidd, amgylcheddol a diwylliannol Cymru. Mae’n gofyn i sefydliadau yng Nghymru ystyried effeithiau tymor hir eu penderfyniadau, i weithio’n well gyda phobl a cymunedau a gyda’i gilydd a rhwystro problemau parhaus rhag codi, megis tlodi, anghydraddoldebau iechyd a newid hinsawdd.

Rydym yn awyddus i annog sefydliadau i feddwl nid yn unig am y gymuned ble maen nhw’n byw ac yn gweithio ynddi, ond hefyd sut mae’u gwaith yn gydnaws â ac yn cyd-fynd â gwasanaethau a gweithgareddau grwpiau a sefydliadau eraill, rhai gwirfoddol a rhai statudol. Fe hoffen ni i chi ystyried sut y gallai’ch sefydliad weithio gydag eraill er mwyn ychwanegu gwerth a gweithio mewn partneriaeth yn hytrach na chystadlu. Cofiwch egluro yn eich cais eich cynlluniau ar gyfer y dyfodol yn ogystal ag ar gyfer y presennol. Fe hoffen ni weld sut mae grwpiau’n gweld effeithiau tymor hir eu penderfyniadau er mwyn gallu gweithio gyda, ar y cyd, ag eraill.