Cronfa Croeso Cenedl Noddfa

Mae Cronfa Croeso Cenedl Noddfa’n darparu cefnogaeth hanfodol ar gyfer pobl sydd wedi’u dadleoli gan wrthdaro a / neu erledigaeth o wledydd tramor ac sy’n chwilio am noddfa* yng Nghymru.

*Mae’n well gan Ddinas Noddfa y term ‘pobl yn chwilio am noddfa’ yn y rhan fwyaf o gyd-destunau, gan ei fod yn canolbwyntio ar bobl yn gyntaf yn hytrach na’u statws mewnfudo. Mae’n pwysleisio fod pobl yn chwilio am noddfa (diogelwch ac amddiffyniad), nid lloches yn benodol ac felly gellir ei ddefnyddio’n ehangach.

Byddwn yn blaenoriaethu ceisiadau oddi wrth grwpiau sy’n gallu dangos gwybodaeth a dealltwriaeth gref o weithio o fewn y maes hwn yn y tymor hirach.  Ni all y Gronfa hon gefnogi grwpiau’n gweithio o fewn cymunedau neu grwpiau lleiafrifol sydd eisoes wedi’u sefydlu ac wedi’u setlo ac sydd eisiau gweithio gyda phobl yn chwilio am noddfa, nad oes ganddynt eisoes record amlwg o wneud hynny.

Cyn agor y gronfa ar gyfer y rownd gyntaf yn 2022, buom yn siarad â grwpiau sy’n gweithio gyda phobl sy’n chwilio am noddfa yng Nghymru i ddarganfod beth oedd yr anghenion mwyaf hanfodol am gymorth. Bydd y Gronfa yn cefnogi bylchau lle nad oes cyllid arall ar gael fel arall, neu pan fo galw cynyddol yn dangos bod angen ehangu gwasanaeth.

Amlygodd ein dysgu yr anghenion mwyaf brys a chynyddol i bobl sy’n ceisio noddfa fel:

• Mynd i’r afael â’r trawma y mae pobl sy’n chwilio am noddfa yn ei wynebu, drwy ddarparu cefnogaeth emosiynol i wella iechyd meddwl a lles
• Cefnogaeth gydag integreiddio ac ymdeimlad o berthyn

Felly, mae Cronfa Croeso Cenedl Noddfa yn agored i geisiadau gan grwpiau sydd eisoes yn gweithio gyda phobl sy’n chwilio am noddfa i ddarparu gwasanaethau cymorth i fynd i’r afael â’r materion hanfodol hyn. Er enghraifft:

• Gwasanaethau cyfeillio
• Gwasanaethau dehongli/iaith
• Gweithgareddau cymunedol/hwb i bobl sy’n ceisio noddfa a’u teuluoedd ddod at ei gilydd
• Cefnogaeth trawma/emosiynol

DS. Nid yw’r rhestr hon yn gynhwysfawr. Enghreifftiau ydynt o’r math o brosiectau y bydd y gronfa hon yn eu cefnogi.

Rydym yn gwybod bod y sefyllfa’n dal i fod yn gyfnewidiol iawn, felly anogwn chi i ychwanegu eich llais drwy gysylltu â’r tîm drwy e-bost os oes gennych unrhyw gwestiynau neu wybodaeth a fydd yn helpu i lywio ein dealltwriaeth.

Gall sefydliadau sydd ag incwm blynyddol o dan £500,000 wneud cais am grantiau o hyd at £10,000 y flwyddyn am hyd at dair blynedd.

Rydym yn cydnabod pa mor bwysig yw bod grwpiau’n gallu cynllunio ar gyfer y dyfodol a bod cael sicrwydd fod arian ar gael yn gallu rhoi’r hyder a sicrwydd i chi i ddatblygu’ch prosiect dros y tymor hir. Mae Cronfa Croeso Cenedl Noddfa’n cynnig y cyfle i grwpiau ymgeisio am arian ar gyfer un flwyddyn yn unig neu nifer o flynyddoedd hyd at 3 blynedd.

I gael eich ystyried ar gyfer grant tair blynedd, dylech gwblhau’r adran ychwanegol ar y ffurflen gais i ddangos sut rydych yn bwriadu datblygu’ch prosiect dros y cyfnod ariannu yr ymgeisir amdano. Bydd eich cais yn dal i gael ei ystyried ar gyfer cyllid un flwyddyn os na fyddwch yn llwyddiannus am grant nifer o flynyddoedd.

Ni allwn ariannu ar hyn o bryd

• Prosiectau bwrsariaeth sy’n darparu grantiau/arian parod /offer i unigolion
• Grwpiau sy’n gweithio gyda buddiolwyr o gefndiroedd amrywiol yn unig ac nad ydynt yn gweithio’n benodol gyda phobl sy’n chwilio am noddfa
• Prosiectau bwyd/cyflenwadau/offer/dillad lle mae eitemau’n cael eu dosbarthu i unigolion/teuluoedd – mae gennym gronfeydd eraill a fydd. Edrychwch ar ein tudalen grantiau yma i gael gwybodaeth am gyllid arall sydd ar gael.

Mae’r Gronfa hon ar agor ar gyfer elusennau a sefydliadau cymunedol gyda chyfansoddiad yn benodol ar gyfer gweithio gyda phobl sy’n chwilio am noddfa yng Nghymru. Mae’r rhain yn cynnwys:

• Grwpiau gyda chyfansoddiad
• Elusennau Cofrestredig a Sefydliadau Corfforedig Elusennol
• Cwmnïau cyfyngedig gan warant
• Cwmnïau buddiannau cymunedol
• Mentrau cymdeithasol