Cyfle i ddweud eich dweud!

A allwch ein helpu i wneud grantiau da i gefnogi pobl sy’n ceisio noddfa?

Gan adeiladu ar lwyddiant grwpiau Dinas Noddfa yn 2019, mae Llywodraeth Cymru wedi datgan mai Cymru fyddai’r ‘Genedl Noddfa’ gyntaf yn y byd – cynllun a gymeradwywyd gan y Cenhedloedd Unedig.

Mae pobl ledled Cymru wedi bod yn ymateb i’r argyfwng ffoaduriaid parhaus mewn trefi a phentrefi ledled y wlad, gan sefydlu cynlluniau sy’n cynnig cymorth a chefnogaeth i’r rhai sy’n ceisio noddfa yng Nghymru.

Mewn ymateb i’r creithiau diweddar yn Affganistan ac yn fwy diweddar yr Wcráin, roedd Sefydliad Cymunedol Cymru am wneud mwy i helpu grwpiau fel Dinas Noddfa a sefydliadau eraill sy’n gweithio gyda phobl sydd wedi’u dadleoli gan wrthdaro a/neu erledigaeth sydd wedi neu ar fin cyrraedd Cymru.

Lansiwyd ein Cronfa Croeso Cenedl Noddfa ym mis Mawrth, i ddechrau fel cronfa i godi’r arian sydd ei angen i gefnogi’r sefydliadau hyn. Cydnabodd Jane Hutt, y Gweinidog dros Gyfiawnder Cymdeithasol yn Llywodraeth Cymru, yr angen uniongyrchol a chynyddol yn gyflym iawn ac, ar ran Llywodraeth Cymru, rhoddodd rodd o £1 filiwn i’r gronfa.

Nid ydym am dybio ein bod yn gwybod beth sydd ei angen felly, wrth lansio’r gronfa, gwnaethom ddosbarthu arolwg i sefydliadau sy’n gweithio yn y sector i’n helpu i ddeall eu hanghenion uniongyrchol a pharhaus. Bydd y dysgu hwn yn ein helpu i lunio meini prawf y raglen grantiau.

Byddem yn gwerthfawrogi’n fawr eich help i rannu’r cyswllt hwn â’n harolwg i’n helpu i ledaenu’r gair, i annog grwpiau sy’n gweithio’n uniongyrchol gyda phobl sy’n ceisio noddfa yng Nghymru i ddweud eu dweud.

Gobeithiwn agor y gronfa yr wythnos nesaf, ond bydd yr arolwg yn parhau ar agor oherwydd y sefyllfa sy’n newid yn barhaus, a gall y meini prawf newid yn unol â hynny.

Nid yw dosbarthu grantiau yn gelfyddyd nac yn wyddor, nid oes unrhyw ddau grŵp yn gweithio yn yr un modd, felly mae angen i’r meini prawf grant adlewyrchu anghenion amrywiol yr elusennau a’r grwpiau niferus o bob maint ledled Cymru sy’n gweithio i gefnogi pobl sy’n ceisio noddfa.

Rydym yn bwriadu i’r gronfa hon fodloni’r bylchau mewn cyllid, boed hynny’n mynd i’r afael â meysydd sy’n cael eu tanariannu’n sylweddol neu sy’n helpu i ateb y galw am wasanaeth sy’n cynyddu neu’n wasanaeth y mae angen ei ehangu. Yn anffodus, ni fyddwn yn gallu cefnogi anghenion pob grŵp, ond drwy gwblhau’r arolwg, bydd eich llais yn cael ei glywed.

Bydd y gronfa’n cefnogi pobl sy’n ceisio noddfa, gan sicrhau, pan fydd unigolion a theuluoedd yn cyrraedd Cymru, y gallant gael y cymorth sydd ei angen arnynt i ddechrau’r broses o ailadeiladu eu bywydau. Mae hwn yn bwynt pwysig, gan y dylai grwpiau sydd am wneud cais i’r gronfa hon fod yn gweithio gyda ffoaduriaid a cheiswyr lloches sy’n ffoi i Gymru i chwilio am amddiffyniad. Nid yw’r gronfa hon ar gyfer grwpiau sy’n gweithio gyda chymunedau lleiafrifol sydd eisoes wedi’u sefydlu – ar gyfer y grwpiau hyn mae cronfa arall yn agored i gefnogi’r grwpiau hyn wrth iddynt adfer o bandemig Covid.

Cysylltwch â ni os oes gennych unrhyw wybodaeth a fydd, yn eich barn chi, yn bwysig ar gyfer Cronfa Croeso Cenedl Noddfa. Os oes gennych brofiad o weithio gyda phobl sy’n ceisio noddfa ac yr hoffech gymryd rhan, efallai i oruchwylio’r meini prawf grant neu fel aelod o’r panel i’n helpu i ddosbarthu’r cyllid, byddem wrth ein bodd yn clywed gennych.

Gallwch gysylltu â mi drwy e-bost – andrea@communityfoundationwales.org.uk

News

Gweld y cyfan
Pŵer rhannu eich stori

Pŵer rhannu eich stori

Y Principality yn creu cronfa £100,000 i gefnogi pobl ifanc yng Nghymru

Y Principality yn creu cronfa £100,000 i gefnogi pobl ifanc yng Nghymru

Sefydliad Cymunedol Cymru yn lansio Cronfa Croeso Cenedl Noddfa

Sefydliad Cymunedol Cymru yn lansio Cronfa Croeso Cenedl Noddfa

Eich helpu i ddarparu gwasanaeth cyflawn i’ch cleientiaid

Eich helpu i ddarparu gwasanaeth cyflawn i’ch cleientiaid